'El Camino acaba en Obradoiro': O lendario Nikos Galis conclúe a súa peregrinación

Nikos Galis. 'El Camino acaba en Obradoiro'

Por terceiro ano consecutivo, esta primavera celebrouse unha nova edición de 'O Camiño acaba en Obradoiro', unha iniciativa que nesta ocasión levou ao exbaloncestista heleno Nikos Galis a terras galegas, onde completou en cinco días o Camiño Inglés. Este proxecto, que ten detrás ao Club de Baloncesto Obradoiro, busca fomentar os valores do Camiño de Santiago e o baloncesto entre a sociedade, e en anteriores edicións xa contou coa participación de ilustres do baloncesto como Terry Porter (2015, Camiño Francés) e Jose Antonio Corbalán (2016, Camiño Primitivo).

O exjugador grego partiu de Ferrol o pasado domingo para percorrer o Camiño Inglés durante cinco etapas, chegando a Santiago de Compostela este xoves pola tarde. Galis percorreu o último tramo xunto á directora de Turismo de Galicia, Nava Castro e foi recibido á súa chegada pola secretaria xeral para o Deporte de Galicia, Marta Míguez. O xogador de baloncesto pasa a formar parte dos máis de 2.000 peregrinos que elixiron en 2017 o Camiño Inglés para peregrinar ata Santiago, onde este xoves obtivo a compostela e puido visitar a Catedral de Santiago.

Nikos Galis, estadounidense de nacemento, é unha das figuras máis importantes da historia do baloncesto europeo e gran artífice do despegamento do baloncesto en Grecia nos anos 80. Pasou case toda a súa carreira vinculado ao Aris de Salónica, poñéndolle o broche final en Panathinaikos; con multitude de títulos nacionais, Galis conseguiu converterse no máximo anotador de todas as competicións europeas e mundiais nas que participou desde 1983. A súa carreira está recoñecida nos salóns da fama da NBA e a FIBA.