Felipe VI obsequia ao Consello de Europa cun tríptico do Camiño de Santiago

A Coroa impulsa os valores do Camiño de Santiago desde que o rei de España fose nomeado primeiro embaixador de honra en 2015

Fernando Borjas
28/04/2017 19:33
Felipe VI. Wikimedia Commons

Felipe VI. Wikimedia Commons

Este xoves Felipe VI visitou por primeira vez o Palacio de Europa de Estrasburgo, sede do Consello de Europa, desde que fose coroado monarca. Para celebrar a visita, como é costume en todos os xefes de estado, o rei obsequiou ao secretario xeral do Consello, Thorbjorn Jagland, cun triptico con fotografías sobre Camiño de Santiago, entrega na que estivo presente o ministro de exteriores, Alfonso Dastis.

Trátase de tres instantáneas en branco e negro do autor español Juan Millás que capturan varios momentos clave da peregrinación a Santiago e o legado das rutas xacobeas como nexo de unión entre Europa e a Península Ibérica. En palabras de Dastis: "unha homenaxe ao que en todas as culturas ten de coñecemento a viaxe".

O monarca valorou o Camiño de Santiago como un elemento crave para "comprender o noso pasado e a nosa esencia", ademais de afirmar que nos "inspira a continuar os nosos esforzos para seguir construíndo unha Europa máis xusta, tolerante e solidaria". Felipe VI destacou da Ruta Xacobea que segue sendo "un dos principais símbolos de unidade do continente, parte fundamental da memoria compartida e da identidade europea". 

O Camiño de Santiago foi declarado polo Consello de Europa como primeiro Itinerario Cultural Europeo o 23 de outubro de 1987 nun acto que tivo lugar en Santiago de Compostela. O rei Felipe VI, pola súa banda, foi nomeado primeiro embaixador de honra do Camiño de Santiago o 6 de novembro de 2015 no Pazo de Raxoi, na cidade compostelá. 

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

La Voz de Galicia La Voz de Asturias

Puntos de interés

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom

Utilizamos cookies propias e de terceiros para mellorar os nosos servizos, manter a sesión e personalizar a experiencia do usuario, así como para obter estatísticas anónimas de uso da web. Se continua navegando consideramos que acepta o seu uso. Pode obter máis información aquí