Lenda galega: a Atlántida en Malpica de Bergantiños?

A Atlántida é, probablemente, unha das civilizacións e cidades mitolóxicas máis famosas do mundo. Tratábase dunha illa cunha avanzada e rica civilización que foi mencionada e descrita por textos do filósofo grego Platón. Desde fai centos de anos, os aventureiros e arqueólogos buscan as ruínas desta impresionante civilización en diferentes puntos do planeta aínda que, por suposto, tamén hai moitos que pensan que a Atlántida nunca existeu. Con todo, pensar e crer nela é, evidentemente, moito máis bonito e interesante.

Malpica de Bergantiños

Non son poucos os que sitúan a Atlántida en diferentes puntos de España, principalmente nas marismas de Doñana, onde parece confirmado, debido a restos de construcións, que alí habitou unha civilización importante. Se é unha historia real ou un conto de Platón é algo que, a día de hoxe, non o podemos saber... pero sí podemos contarvos unha das lendas máis coñecidas de Galicia e que foi recollida en diversos libros e publicacións. ¿A Atlántida puido estar en Galicia?

Como moitos sabédes, a Atlántida puido ser mergullada tras unha catástrofe natural, probablemente un tsunami provocado por un terremoto ou un volcán, no océano Atlántico ou, según outras opinións, no Mar Mediterráneo. Según Platón, os atlantes foron castigados polos deuses. Con todo, para os veteranos mariñeiros do pobo costeiro de Malpica de Bergantiños, a Atlántida segue sendo moi real, e de feito é visible en certas ocasións.

Malpica de Bergantiños

Os pescadores deste coñecido pobo da Costa da Morte, a 52 km da Coruña, saben que a 10 millas cara ao oeste, poden verse unas grandes peñas que sobresaen sobre o nivel do mar. En ocasións, e según a marea, poden verse nestas rochas grandes muros de pedra e, mesmo, escaleiras. Estes restos pertencen a unha gran vila ou cidade que puido ser engulida polo mar, e non son poucos os que a relacionan directamente coa lenda da Atlántida.

Según a lenda do pobo pesqueiro, os deuses permitiron que as boas persoas da Atlántida tivesen tempo de escapar da cidade antes de ser alagada. De feito, fuxiron en barcos de pedra cara ao leste, chegando a terras galegas. Moitos converteronse en santos, e formaron os grandes santuarios das costas galegas: San Adrián chegou a Malpica e San Andrés a Teixido, entre outros.

¿Qué opinades, creedes que a Atlántida existeu de verdade ou é un conto de Platón? ¿Onde creedes que se atopaba a Atlántida?