O asasino da peregrina estadounidense Denise Pikka xa coñece a súa sentenza

J. CASARES | EFE

A Audiencia Provincial de León ditou sentenza e condenou a Miguel Ángel Muñoz Blas a 20 anos de cárcere polo asasinato de Denise Pikka no Camiño de Santiago, ademais de 3 anos extra por un delito de roubo con violencia. Esta sentenza rebaixa en dous anos a solicitada pola fiscalía e a acusación particular. Muñoz Blas fora declarado culpable por un xurado popular tan só unha semana antes por unha maioría de 8 votos a 1, sendo o único acusado do mediático caso.

O acusado tamén foi condenado a devolver a cantidade de diñeiro que lle roubou á peregrina estadounidense no asalto de abril de 2015 (1.132 dólares) e a indemnizar con 120.000 euros aos seus pais e 30.000 ao seu irmán, tendo que engadir a estas cantidades as costas do xuízo. O acusado poderá recorrer a sentenza na Sala do Civil e Penal do Tribunal Superior de Xustiza de Castela e León nun prazo de 10 días xa que non é firme.

Os feitos polos que foi condenado hoxe Muñoz Blas ocorrendo xusto hai agora dous anos nas inmediacións da localidade de Astorga, cando a peregrina Denise Pikka Thiem desviouse da ruta oficial do Camiño Francés que a terminaron levando á porta do domicilio do condenado. Muñoz Blas acompañouna e agrediuna na cabeza sen que a peregrina puidese defenderse, producíndolle a morte por traumatismo cranioencefálico. Posteriores investigacións esclareceron que Muñoz Blas enterrouna e amputouna ambas as mans e que en agosto de 2015 cambiou o lugar de enterramento do cadáver pola presión policial dese momento.

O Camiño de Santiago é considerado amplamente como unha ruta segura á que acoden centos de miles de peregrinos dos cinco continentes cada ano, por iso casos como o asasinato de Denise Pikka preto de Astorga en 2015 consternan a toda a comunidade xacobea pola súa excepcional rareza.