O Camiño de Santiago, un espello para o "pase europeo" que expón España a Bruxelas

O ministro Méndez de Vigo propuxo medidas para fomentar o europeísmo no Consello de ministros de Educación, Cultura e Deporte da Unión Europea

Fernando Borjas
22/11/2016 18:44 '
Los ministros europeos quieren potenciar el sentimiento europeo entre los ciudadanos

Los ministros europeos quieren potenciar el sentimiento europeo entre los ciudadanos

Non é un segredo que a Unión Europea non pasa polo seu mellor momento, entre outras cousas por unha profunda crise de identidade e de sentimento de pertenza, que entre outros resultados, sacou ao Reino Unido do mapa dos Vinte e oito. Parece que os políticos son conscientes deste problema, e xa traballan para tentar mobilizar o "sentimento europeo" a través de medidas concretas; a última a do ministro español de Educación, Cultura e Deporte, Ínigo Méndez de Vigo.

Este martes, no marco do Consello de Ministros da Unión Europea, o popular entre outras cousas lanzou a proposta de crear en 2018 un "pase europeo cultural" para facilitar a mozos e xubilados o acceso ao coñecemento do patrimonio cultural europeo (que cada país da Unión elixiría), con importantes vantaxes económicas aplicadas por exemplo ao transporte ou a entrada a museos. A base da proposta é construír un "tour dos 28" que fose análogo ao Camiño de Santiago dentro da itinerario cultura europeo, buscando destacar a diversidade e os puntos en común que nos unen aos europeos e non o que nos separa, como ocorre coa Ruta Xacobea, que congrega a cidadáns de moitas nacionalidades ano a ano.

A proposta foi apoiada no Consello de Ministros de Educación, Cultura e Deporte da UE por países como Francia e Alemaña, que a recibiron positivamente, destacando entre outros beneficios "o positivo de que os mozos consuman cultura". Espérase que a iniciativa deste Europass sexa a clave para materializar a proposta e que esta poida converterse en algo tanxible e disfrutable polos cidadáns da Unión.

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

La Voz de Galicia La Voz de Asturias

Puntos de interés

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom

Utilizamos cookies propias e de terceiros para mellorar os nosos servizos, manter a sesión e personalizar a experiencia do usuario, así como para obter estatísticas anónimas de uso da web. Se continua navegando consideramos que acepta o seu uso. Pode obter máis información aquí