O Camiño Portugués sobe como a escuma en número de peregrinos

Camino Portugués

Os récords que rodean ao Camiño de Santiago estes últimos anos non só están relacionados coa masiva variante francesa, que elixen cada ano máis do 70% dos peregrinos; o Camiño Portugués, aos poucos e case sen facer ruído, está a facerse maior e facendo ano a ano grandes números. Proba diso son as 43.151 persoas que o percorreron en 2015 fronte ás 5.507 de 2005, ata oito veces máis. En 2016 o crecemento tampouco cesa, con previsións oficiais de que se volva a bater o récord de peregrinos (ao finalizar agosto 37.439 persoas xa o habían percorrido), pero parece que o mellor está por vir nos anos próximos; por unha banda a Deputación provincial de Pontevedra sitúa nun 25% o aumento de peregrinos para 2019, mentres que a Asociación de Amigos do Camiño Portugués prevé que as cifras se triplique para o Ano Santo de 2021.

O éxito da ruta portuguesa non só benefíciase do auxe en todo o mundo do  Camiño de Santiago que vivimos estes últimos anos, se non de certas condicións específicas que favorecen a elección desta variante. Falamos da oficialización da variante da costa -que se une ao Camiño Portugués principal en Redondela-, da gran cantidade de servizos e de aloxamentos ao servizo do peregrino na área suroeste de Galicia por onde discorre a ruta e á atractiva oferta de prezos de billetes de Ryanair ao aeroporto do Porto. O éxito dos voos á cidade lusa estaría a determinar en gran parte o éxito do Camiño da Costa.