O I Encontro Internacional sobre o Patrimonio dos Camiños de Santiago celebrarase en Grao

Grado, Asturias (Ayuntamiento de Grado)

A vila de Grao, en Asturias, acolle os próximos 10 e 11 de decembro o I Encontro Internacional sobre o Patrimonio dos Camiños de Santiago, cuxa organización corre a cargo da asociación Fraternidade Internacional do Camiño de Santiago, coa colaboración do Concello de Grao, que abrirá a súa Casa da Cultura para tan especial ocasión. O obxectivo deste primeiro encontro é o de reflexionar e de poñer de manifesto a autoridades e sociedade uno dos principais problemas que a Ruta Xacobea: a agresión ao patrimonio do Camiño.

Fenómenos como o vandalismo ou a masificación que sofre o Camiño de Santiago nos últimos anos afectan de maneira directa á preservación do patrimonio material e inmaterial da ruta, pero tamén en ocasións a actuación das propias administracións. Este patrimonio comprende os seus trazados orixinais, monumentos, pontes e pasos, pero tamén a aquilo que non podemos tocar, como a tradición, lendas ou música que naceron ao redor do Camiño durante séculos e séculos.  

Todos estes problemas e como atallalos serán obxecto de debate durante estes dous días de encontro internacional, nos que se aproveitará para presentará unha nova app móbil para que os peregrinos poidan denunciar en tempo real as posibles agresións ao Camiño de Santiago que presencien. No encontro participarán como relatores como o historiador da Universidade de Santiago Miguel Ángel Cajigal, o profesor da Universidade de Lugo Ricardo Gómez Polínla ou a catedrática da Universidade de Oviedo, María Josefa Sanz. Ademais, asistirán expertos europeos na materia, ademais dun membro do Consello Internacional de Monumentos e Sitios da UNESCO, organismo encargado de declarar Patrimonio da Humanidade en 2015 o Camiño Primitivo, que transcorre precisamente por Grao.