Os caravaqueños toman o Camiño de Santiago por terceira vez

Os peregrinos de Caravaca de la Cruz

Trátase dunha iniciativa da Concellería de Deportes do Concello de Caravaca de la Cruz, que este ano cumpre a súa terceira edición. Ao redor de cen caravaqueños, divididos en dous grupos, realizarán cinco etapas do Camiño de Santiago. As 50 primeiras persoas comezaron no día de onte o Camiño Francés, do que completarán 5 etapas e 111 quilómetros.

Este ano, con todo, a actividade terá dúas fases. Outro grupo de 50 caravaqueños, os cales xa participarían en anteriores edicións, completarán algúns tramos do Camiño do Norte, unha ruta que sempre require algo máis de experiencia pola súa dificultade. A Concellería de Deportes do Concello de Caravaca de la Cruz mostrouse, nesta terceira edición, encantada coa gran participación dos seus veciños nesta actividade planificada para o verán.

Cada ano parece que serán máis os interesados en completar o Camiño coa Concellería de Deportes e, de feito, este ano completáronse todas as prazas. O custo da actividade é sufragado polos propios participantes (o gasto dos monitores-guías).