Se percorres o Camiño desde A Coruña poderás obter a compostela

Torre de Hércules (A Coruña)

O Cabildo da Catedral de Santiago, co visto e prace do arcebispo de Santiago, aceptou conceder a compostela a todos aqueles peregrinos que comecen a súa viaxe desde a cidade da Coruña. Os requisitos para que os camiñantes que cheguen ao porto da Coruña poidan solicitar o documento na Catedral de Santiago son facer parte do Camiño nas súas rexións de orixe, aínda que non percorresen os 100 quilómetros etablecidos como mínimo para a compostela. 

Os propios habitantes da Coruña e arredores tamén terán a posibilidade de facerse coa compostela aínda que non percorran o mínimo de 100 quilómetros do Camiño ata Santiago; tan só terán que visitar os espazos xacobeos da cidade como requisito adicional. Se os peregrinos non cumpren algunha destas condicións polo menos seralles entregado un documento acreditativo da visita á catedral e ao sepulcro do apóstolo Santiago.

Hai varios día o alcalde da Coruña, Xulio Ferreiro, acompañado polo alcalde de Santiago, Martiño Ortega, visitaron a catedral para reunirse co deán, Segundo Pérez, e trasladarlle unha petición formal para que os peregrinos do Camiño Inglés tamén puidesen obter a compostela aínda que non cumprisen o mínimo de quilómetros. O deán mostrouse favorable á decisión, e ao final foi cuestión de tempo que se fixese pública. Esta medida insufla forza ao Camiño Inglés, ruta oficial xacobea, en cuxa promoción e posta en valor están a envorcarse tanto asociacións, como institucións nos últimos anos.