This will celebrate the 30 years of the Camiño de Santiago as the First European Cultural Route

O luns 23 comezarán as celebracións en Santiago de Compostela, que terán lugar durante tres días, incluíndo congresos, seminarios e un concerto na Catedral.

Fernando Borjas
20/10/2017 18:12 '
Camino de Santiago. Javier Román García

Camino de Santiago. Javier Román García

O vindeiro luns 23 de outubro comezan en Santiago de Compostela as actividades conmemorativas do 30 aniversario da designación do Camiño de Santiago como Primeiro Itinerario Cultural Europeo por parte do Consellos de Europa, un acontecemento que tivo lugar en 1987. Xa coñecemos o programa conmemorativo das celebracións, que terán lugar durante tres días na capital compostelá e entre as que destacan un acto oficial de conmemoración o luns no Hotel Monumento San Francisco, un concerto ás 21.00 do artista Amancio Prada na Catedral de Santiago (cuxas entradas xa están esgotadas) ou o seminario 'Camiño de Santiago e Europa' que se celebrará ata o mércores 25 incluído.

Este seminario, organizado pola cátedra do Camiño de Santiago da Universidade de Santiago, celébrase co obxectivo de profundar das problemáticas actuais do Camiño de Santiago desde múltiples puntos de vista, como o do patrimonio, o papel das institucións públicas ou a sustentabilidade do actual modelo e incluirá a participación de varios especialistas internacionais na materia. Así mesmo neste acto participarán personalidades que protagonizaron aquela xornada, como o por aquel entón secretario xeral do Consello de Europa, Marcelino Orella, ou o ex alcalde de Santiago de Compostela, Xerardo Estévez.

Dentro das actividades programadas para a semana próxima inclúese a entrega dos Premios Camiño de Santiago en recoñecemento do traballo de distintas institucións, empresas e asociacións ao redor das rutas xacobeas, así como as reunións do Comité Técnico da Federación Europea do Camiño de Santiago e do Comité Executivo do Consello Xacobeo.

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente
Fer de Argentina
Fer de Argentina 21/10/17 14:43:57
10
y algo para l@s peregrin@s...?
1 0
La Voz de Galicia La Voz de Asturias

Puntos de interés

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom

Utilizamos cookies propias e de terceiros para mellorar os nosos servizos, manter a sesión e personalizar a experiencia do usuario, así como para obter estatísticas anónimas de uso da web. Se continua navegando consideramos que acepta o seu uso. Pode obter máis información aquí