Non será a primeira vez que o Encoro de Yesa se trague parte do Camiño de Santiago; xa en 1960 acabou con algúns tramos
As polémicas obras de ampliación do encoro de Yesa, encoro situado ao noroeste da provincia aragonesa de Zaragoza e no nordés da Comunidade Foral de Navarra, esnaquizarán á súa conclusión gran cantidade de monumentos históricos. En menos dun ano desaparecerán ata 22 quilómetros do Camiño de Santiago e, probablemente, dúas ermidas románicas debido á crecida. Debemos lembrar que o Camiño forma parte dos lugares e monumentos Patrimonio da Humanidade, polo que estas obras están a indignar a gran cantidade de peregrinos.
Non será a primeira vez que o Encoro de Yesa se trague parte do Camiño de Santiago; xa en 1960 acabou con algúns tramos que utilizaban os peregrinos para chegar ata o sepulcro do Apóstolo Santiago. Naquela ocasión o encoro terminou con pobos enteiros e, agora, a superficie da auga duplicarase, non só afectando a 22 quilómetros do Camiño de Santiago, tamén a ermidas, necrópoles e xacementos romanos.
Polo momento a xustiza non dá a razón aos veciños, que ven como as obras seguen adiante.