The Spin Way, da Red Emprendia, combina o emprendemento cos valores tradicionais do Camiño de Santiago
Entre o próximo 25 e 28 de setembro, 30 mozos universitarios seleccionados procedentes de todo Iberoamérica percorrerán as últimas etapas do Camiño de Santiago mentres desenvolven de forma conxunta, en equipo, ideas de negocio. Camiñarán os últimos 100 quilómetros en equipos de tres e enfrontaranse a dous retos adicionais ao termo de cada etapa: desenvolver modelos de negocio para desafíos expostos pola organización -en colaboración con empresas colaboradoras como PayPal- e colaborarán na elaboración dun manifesto.
Tanto as actividades como o percorrido das últimas etapas do Camiño de Santigo englóbanse dentro do programa The Spin Way, impulsado pola Red Emprendia, que á súa vez é o pistoletazo de saída a Spin2016. Trátase dun encontro entre máis de 70 profesionais do ámbito da universidade, o deporte, a empresa, a cultura e a ciencia que pretende combinar os valores e tradición do Camiño de Santiago co emprendemento universitario para impulsar o talento dos máis novos.
Spin 2016 celebrarase do 29 de setembro ao 1 de outubro na Cidade da Cultura de Galicia de Santiago de Compostela, lugar onde os estudantes presentarán o proxecto emprendedor ao que darán forma no Camiño de Santiago.