A peregrina foi localizada pola Garda Civil en perfecto estado de saúde ás poucas horas de ser alertada a súa desaparición polo seu grupo de amigos
Este fin de semana pasado todas as alertas acendéronse na provincia de Burgos tras ser denunciada a desaparición dunha peregrina de 23 anos que realizaba o Camiño de Santiago cun grupo de amigos alemáns. Os amigos da moza alertaron ao Servizo de Emerxencias 112 de Castela e León cando o venres pasado a moza non se reuneu cos seus compañeiros nun punto de encontro.
Inmediatamente axentes da Garda Civil e dotacións de Protección Civil iniciaron a búsqueda da cidadá alemá e que responde as iniciais de A.F. A moza pasou a noite nun albergue da localidade burgalesa de Hontanas e, ao deixar este municipio, foi cando se lle perdeu a pista. Finalmente, por sorte, todo quedou nun simple susto.
A peregrina foi localizada pola Garda Civil en perfecto estado de saúde. A moza comunicábase por correo electrónico cos seus compañeiros e, ao cambiar de plans, non puido avisar ao instante aos seus compañeiros, que alertaron ás autoridades ao ver que a moza non chegaba ao momento de encontro. Unha decisión, sen dúbida, acertada, aínda que neste caso tratábase dunha falsa alarma.