As forzas de seguridade destacan, principalmente, o seu foco á hora de previr os incendios forestais, ademais de velar pola seguridade dos peregrinos
En datas de verán a afluencia de turistas e peregrinos no Camiño de Santiago increméntase de forma notoria, e por tanto a presenza policial ten que ser maior. Este aumento da vixilancia principal podémolo ver, por exemplo, en Tui, onde unha escuadra da Garda Civil montada vixía pola seguridade dos peregrinos desde principios deste mes de xuño. Ademáis, dita escuadra será unha das primeiras líneas de prevención e actuación na loita contra os incendios forestais no sur de Galicia.
Peregrinos, forzas de seguridade e veciños, destacan este servizo por, ademáis de facer do Camiño unha ruta moito máis segura, ser moi sensible co medio e o bo ambiente que se respira no Camiño de Santiago. "O contacto cos veciños é moito máis directo, o cabalo chega a lugares inaccesibles para os coches que ademáis son potencialmente perigosos para o medio", aseguraba o sarxento Velasco, un dos xefes de escuadra.
As forzas de seguridade destacan, principalmente, o seu foco á hora de previr os incendios forestais e, aínda que recoñecen que actualmente hai unha gran sensibilidade entre os peregrinos, sempre hai algún despistado: "ainda hai quen che pregunta se pode facer unha grellada".