A Ruta Xacobea é transmitida polos peregrinos de diferentes formas, todas elas válidas e aptas para inculcar as sensacións dunha experiencia única e transmitir as mesmas ganas pola aventura.
Tatiana Fade, natural de Portoalegre (Brasil) presentou o seu novo libro, Uma Viagem em un Bloco de Notas. Nel a peregrina relatou a súa experiencia na Ruta Xacobea, unha viaxe que a brasileira define como un "percorrido mental máis que físico".
Hostaleira, avogada e agora escritora, a Tatiana sempre lle acompañou a inquietude por buscar novos retos. Mostra diso foron os seus periplos polos cinco continentes e que, tras longas viaxes, terminaron desembocando no Camiño de Santiago.
Tras realizar por primeira vez a Ruta Xacobea en 2013, Tatiana fixo do presente ano unha nova oportunidade para completar O Camiño, aínda que esta vez acompañada por un invitado de luxo, o seu libro. Unha obra que creou na súa primeira experiencia grazas á recompilación de todas e cada unha das notas que anotaba nunha aplicación para o móbil.
"Atopeime con moita xente que cambiou a miña forma de ver o mundo, pero a persoa máis importante á que coñecín foi á miña mesma. Sempre fun inflexible con respecto aos meus obxectivos, pero como peregrina descubrín que o máis importante é o que un decide en cada momento"; comenta a propia Tatiana.
O seu libro, Uma Viagem em un Bloco de Notas é ademais unha percorrido pola súa viaxe de forma interactiva. Todas e cada unha das páxinas da obra inclúen códigos escaneables que nos levarán a fotos e inclusive vídeos sobre a viaxe da autora.