O bo tempo das últimas semanas animou a moitos a comezar o Camiño de Santiago nestas datas
A primeira nevada da tempada chegou ás montañas de Galicia (como no alto do Cebreiro, de 1.300 metros de altitude), sorprendendo a algúns peregrinos no seu camiño desde Cebreiro a Santiago de Compostela. A pesar de que o bo tempo das últimas semanas animara a moitos deles a comezar a súa peregrinación, as previsións destes días puxeran a todos en preaviso, polo que tanto hostaleiros como peregrinos afrontaron tanto o domingo como este luns ben preparados, tanto en abrigo como en provisións para entrar en calor.
Aínda que de momento a neve non callou en Cebreiro e arredores, as máquinas quitaneves tiveron que traballar durante a pasada noite para despexar a estrada entre Sarria e Pedrafita, no alto do Poio. Prevese que a cota de neve baixe ata os 800 metros sobre o nivel do mar durante este luns, e que as temperaturas mínimas sexan máis baixas que o que afai para estas alturas do ano. A partir do mércores prevese a chegada dun anticiclón en Galicia que producirá un aumento das temperaturas ao redor de 8 e 10 graos.