O tramo atópase entre os lugares de Castro e a contorna do monte Aro, na parroquia de Maroñas
O Camiño cara a Fisterra, cara o fin do mundo, xa conta 50 anos despois cun tramo "oficial" que recentemente foi recuperado e saneado. O Camiño estaba recuberto de terra e maleza, pero operarios do municipio de Mazaricos levan días traballando para que este tramo recupere o esplendor de outrora. O tramo atópase entre os lugares de Castro e a contorna do monte Aro, na parroquia de Maroñas.
Hai medio século as persoas que continuaban a peregrinaxe de Santiago cara a Fisterra eran moi escasas, con todo, na actualidade, sendo un Camiño moito máis coñecido, estímase que o número de peregrinos que realizan este traxecto supera os 25.000 anuais. Os turistas e camiñantes que decidan coñecer esta ruta, atoparanse cun alto valor paisaxista e cultural, incluíndo a posible visita a un castro que o concello ten previsto promocionar.
O alcalde, Juan José Blanco Riveiro, asegurou que, nos próximos meses, o municipio investirá máis de 100.000 euros en adecuar o novo tramo e promocionar o xa existente, ademáis doutra partida similar para construír e manter outras rutas.