O Camiño Primitivo encherase de 30 placas reflectindo todos os artigos da Declaración Universal dos Dereitos Humanos
Este luns 12 de setembro tivo lugar en Oviedo a presentación da Ruta dos Dereitos Humanos do Camiño de Santiago, unha ruta iniciativa da fundación norteamericana Internacional Solidarity for Human Rights, que promove a divulgación do contido da Declaración dos Dereitos Humanos entre os peregrinos que percorren o Camiño de Santiago. Os viaxeiros que percorren o Camiño Primitivo (que cada vez son máis e de partes distintas do mundo) atoparanse a partir de hoxe distintas placas conmemorativas de cada un dos artigos recolleitos na carta.
As dúas primeiras placas, que recollen os artigos 1 e 2 da declaración de dereitos, foron colocadas no día de hoxe na cidade de Oviedo, en colaboración co concello da cidade; a primeira, na fachada do colexio Dores Medio e a segunda, no albergue de peregrinos da ciudado asturiana. A primeira fase contempla a colocación de ata cinco placas máis polo momento, nos municipios de Grao, Salas, Tineo, Allande e Santiago de Compostela, finalizando a ruta do Camiño Primitivo. Prevese que desde hoxe ata o mes de setembro de 2017 conclúase coa colocación das 30 placas, obras do escultor Eladio de Moura, "demo".
A fundación Internacional Solidarity for Human Rights leva promocionando a Declaración dos Dereitos Humanos no Camiño de Santiago desde o ano pasado, cando dous dos seus representantes completaron o Camiño Primitivo partindo de Oviedo a Santiago.