Poderemos atopar a imaxe de Santiago Peregrino a partir do primeiro semestre de 2018, cando se poñerá en circulación ata 300.000 unidades
A Fábrica Nacional de Moeda e Timbre-Real Casa da Moeda emitirá ata 300.000 pezas de moedas de 2 euros conmemorativas do Centro Histórico de Santiago de Compostela, seguindo a temática recente de homenaxear os bens e lugares incluídos na Lista de Patrimonio Mundial da UNESCO. A iniciativa tomou forma a partir dunha orde ministerial publicada o pasado sábado no Boletín Oficial do Estado; a data de emisión irase ata o primeiro semestre de 2018, momento no que tamén comezará a súa circulación.
A cara da moeda conmemorativa de 2 euros reproducirá a imaxe de Santiago Apóstolo sobre o Arco da Porta Santa da Catedral de Santiago de Compostela, que irá acompañado das estrelas que simbolizan a Unión Europea, ademais do ano de posta en circulación, entre outros elementos. Desde a entrada en vigor da moeda común europea é habitual o uso da cara das moedas de 2 euros de forma conmemorativa, homenaxeando a personaxes históricos ou bens culturais relevantes para cada nación da UE.