De continuar con estas cifras durante todo o ano, en 2016 marcarase un récord histórico de peregrinos sen precedentes
A ritmo de récord, algo que era de esperar, debido a que a afluencia de peregrinos é, este ano, moi superior a anos inmediatamente posteriores. A Oficina do Peregrino entregou ata xullo 146.660 compostelas pero... como sabemos se son bos datos? As comparacións nos ofrecen a resposta.
En 2010, o último Xacobeo, entre xaneiro e xullo rexistráronse 133.356 peregrinos. O ano pasado, no que se bateu o récord, rexistráronse 137.392 peregrinos, recibindo todos eles o seu Compostela. Os datos deste ano pulverizan o récord anterior: 146.660 compostelas seladas ata xullo, mostrando un incremento do 6.7% con respecto ao pasado ano.
De continuar con estas cifras durante todo o ano, que non fan máis que confirmar o bo momento polo que pasa o turismo relacionado co Camiño de Santiago, en 2016 marcarase un récord histórico de peregrinos sen precedentes. Ademais, tal e como estaba previsto, no verán a afluencia de turistas nacionais aumentou de forma significativa: en xullo o 58,74 % de peregrinos eran españois, seguido de italianos (7,27 %), estadounidenses (5,10 %) e alemáns (4,46 %). As dúas rutas máis exitosas volven ser o Camiño Francés e o Camiño Portugués, por esta orde.