O trazado orixinal desta ruta está actualmente sendo promocionado por algúns concellos polos que transcorre, tanto galegos como asturianos
Recentemente o "Camiño de Inverno" e a "Ruta Marítima Xacobea foron recoñecidos de forma oficial, polo que se abren oportunidades para outras rutas que, actualmente, non están recoñecidas. Recentemente sóubose que unha comisión encargarase de estudar a recuperación da chamada Vía Rexia do Norte. Esta famosa variante conecta o Camiño do Norte co Camiño Primitivo, dirixíndose desde Abres ata Lugo.
O trazado orixinal desta ruta está actualmente sendo promocionado por algúns concellos polos que transcorre, tanto galegos como asturianos, entre os que se atopan Castropol, San Tirso de Abres, Riotorto, Castro de Rei e Lugo, entre outros. A comisión, recentemente nomeada, traballará para axustar a ruta ao trazado orixinal, e que esta sexa o máis fiel posible ao camiño percorrido hai séculos polos peregrinos.
Os concellos propondrán nos seus plenos que o camiño teña recoñecemento oficial, e que isto poida incentivar axudas da administración. De feito, entre Castro de Rei e Lugo, a ruta compártese co Camiño de San Rosendo, que foi señalizado polo Goberno.