O enclave sitúase no Centro histórico da cidade, polo que se espera que a obra sexa beneficiosa para comerciantes da zona
Durante o día de onte a Xunta e o Concello de Ourense asinaron o acordo polo cal os peregrinos que cheguen á famosa cidade galega, poidan ter a partir do próximo ano, unha nova opción de aloxamento. Tras a firma, o edificio situado na Rúa Barreira 12 foi cedido para poder comezar as obras do novo albergue canto antes, co obxectivo e o compromiso de que as obras de adaptación estarán concluídas en 2017.
O enclave sitúase no Centro histórico da cidade, polo que se espera que a obra sexa beneficiosa para comerciantes da zona. A construción ou, máis ben, adaptación do edificio como albergue, terá un custo duns 800.000 euros. Trátase dunha obra de importancia, na que os camiñantes nas rutas xacobeas poderán gozar de 50 prazas, duchas, aseos, lavandería e, por suposto, un almacén para poder deixar as súas mochilas e outras pertenzas.
Responsables do concello aseguraron que se necesitaba un albergue destas características para unha cidade que califican como "capital termal", ademais de aumentar a afluencia de turistas na Zona vella e reacondicionar un edificio histórico.