Este tramo pertence ao Camiño Portugués, un dos máis visitados na actualidade polos turistas nacionais e estranxeiros
Os veciños de Santa Mariña de Arcos dá Condesa, parroquia do concello de Caldas de Reis, levan meses reclamando melloras de adaptación para o tramo do Camiño de Santiago que transcorre pola parroquia, pois actualmente atópase en moi malas condicións. Este tramo pertence ao Camiño Portugués, un dos máis visitados na actualidade polos turistas nacionais e estranxeiros.
Finalmente a institución máis próxima atendeu as protestas dos veciños; o alcalde de Caldas de Reis, Juan Manuel Rey (PSOE), reuneuse durante o día de onte cun grupo de veciños de Ameal para comentar o problema e as posibles solucións. Parece que a ruta se arranxará sí ou sí, pero a competencia é da Xunta.
Se a Xunta decide non asumir esta remodelación, o concello solicitará permiso a Patrimonio e á Sociedade de Xestión do Plan Xacobeo para executar a obra.