O peregrino Andrew Larkin é de orixe norteamericana e percorreu o Camiño Francés ata Santiago de Compostela
O Camiño de Santiago alcanzou esta semana un fito histórico, superando unha cifra nunca antes lograda desde que se teñen rexistros. Este martes chegou a Santiago de Compostela o peregrino 300.000 deste 2017, unha cifra simbólica descoñecida ata agora, mesmo en anos xacobeos, cando maior reclamo internacional ten entre os peregrinos o Camiño de Santiago.
O peregrino que protagonizou esta redonda cifra é o estadounidense de 22 anos Andrew Larkin. Este estudante de química foi homenaxeado este mércores na Oficina de Acollida ao Peregrino de Santiago de Compostela por personalidades como o presidente da Xunta de Galicia, Alberto Núñez Feijoo ou o arcebispo de Santiago, Juan Barrio.
Larkin, que pasou os últimos meses en Burgos aprendendo español, recibiu un obsequio e prometeu recomendar a ruta cando volva a casa. O peregrino residente en Michigan percorreu o Camiño Francés desde León ata Galicia, e comentou que coñeceu a existencia do fenómeno xacobeo por mor de visionar a película ' The Way', protagonizada por Martin Sheen.
Ao Camiño de Santiago 2017 non lle fixo falta esgotar o mes de decembro para superar os rexistros totais do ano pasado, cando se alcanzou o récord absoluto de 278.041 peregrinos. Por tanto a cifra total deste ano, unha vez comámonos as uvas, situarase ostensiblemente por encima dos 300.000 peregrinos rexistrados ata hoxe.