O acordo entre os diversos portos deportivos e o deán Segundo Leonardo Pérez López permite que os peregrinos que fagan esta travesía por mar poidan conseguir a chamada compostela
Os peregrinos de Santiago terán agora unha nova ruta do Camiño que percorrer nas súas viaxes cara a Santiago de Compostela, unindose a rutas tan importantes como o Camiño Francés, o Inglés e o Portugués. Con todo, esta nova ruta non será accesible a pé, cabalo ou en bicicleta... Trátase dunha nova ruta marítima, promocionada por un grupo de portos do norte de España - co selo Navega o Camiño - e co acordo do deán da catedral, Segundo Leonardo Pérez López. A ruta, ademais, promocionará un dos grandes motores turísticos de Galicia.
O acordo entre os diversos portos deportivos e o deán Segundo Leonardo Pérez López permite que os peregrinos que fagan esta travesía por mar poidan conseguir a chamada compostela, pero sempre cun requisito obrigatorio: a ruta marítima ha de cubrir polo menos 100 millas de navegación a vela, además de facer o último tramo - entre o Monte do Gozo e a catedral - a pé. Os portos asociados a esta nova ruta comprométense, ademáis, a realizar unha ampla promoción internacional desta nova ruta nos medios que teñan ao seu alcance: salóns e conferencias, congresos, redes sociais, etc.
Os responsables da proposta e do acordo aseguran que esta iniciativa, co tempo, podería dar un gran impulso a outros camiños e ao número de embarcacións que arriban nas costas galegas: mesmo quintuplicar as cifras actuais. O porto natural de entrada será o de Mariña Coruña, un dos máis modernos do norte de España.