Renfe segue promocionando o turismo en Galicia con este tren turístico, que inclúe unha sesión termal
O vindeiro sábado 1 e 22 de outubro Renfe prosegue co seu plan de promoción do turismo en Galicia poñendo en marcha o Tren Termal e do Camiño do Norte de Santiago, que se suma a outras rutas turísticas que o operador ofertou durante este verán. O traxecto do tren leva aos pasaxeiros desde A Coruña ata o hotel-balneario de Guitiriz, na provincia de Lugo, ademais de ofrecer outras actividades durante a xornada por 40 euros.
Os pasaxeiros do tren chegarán á primeira hora ao hotel-balneario, onde poderán gozar das instalacións do Club Termal, para despois ser trasladados á capela gótica de Santo Alberte, onde farán un percorrido a pé por un tramo do Camiño do Norte a Santiago. Tras finalizar a actividade, os pasaxeiros viaxarán en tren á cidade de Lugo, onde terán tempo libre para visitala acompañados dun guía e comer, para finalizar a xornada volvendo á Coruña.