A Asociación de Empresarios recoñece que Padrón ten actualmente moitos turistas e peregrinos, pero poderían ser moitos máis se a ruta obtén oficialidade
O recoñecemento oficial dunha ruta, sen dúbida, xera prosperidade e beneficio para os empresarios polos que transcorre a mesma; recentemente vimos este beneficio no municipio de Baiona, onde as prazas hostaleiras énchense cada fin de semana.
Por iso, a Asociación de Empresarios de Padrón, Rois e Dodro reuneuse este luns nunha asemblea onde, entre outros asuntos, aprobouse solicitar formalmente á Xunta o recoñecemento oficial da ruta histórica do Camiño de Santiago a Padrón; iniciativa que sería apoiada activamente polos empresarios.
Os empresarios tamén solicitarán que o albergue municipal peche polas noites unha hora máis tarde, ás once, pois consideran que moitos peregrinos non teñen tempo para cear tranquilamente antes do peche deste albergue público.
A Asociación de Empresarios recoñece que Padrón ten actualmente moitos turistas e peregrinos, pero poderían ser moitos máis se a ruta obtén oficialidade.