O xoves, tras a súa chegada a Santiago, celebrarase un acto no Hostal dos Reis Católicos á da comida, contando coa presenza do presidente da Xunta
Poderíamos estar, sen dúbida, ante a peregrinaxe máis longa da historia... nada menos que 14.700 quilómetros. Unha peregrinaxe que concluírá o próximo xoves 7 de xullo en Santiago de Compostela, e que comezou o pasado 28 de febreiro na Base Antártica Española Gabriel de Castela, situada na illa Decepción, no archipiélago das illas Shetland do Sur.
Un grupo de militares e científicos residentes na citada base española, atravesaron prácticamente todo o Océano Atlántico para desembarcar en Pontevedra (no día de hoxe) e completar este enorme percorrido ata Santiago. De feito, eles mesmos considéranse "pingüirinos", un cualificativo bastante curioso e, probablemente, comprensible.
O grupo compóñeno militares da dotación do Buque de Investigación Oceanográfica Hespérides, o persoal da Campaña Antártica do Exército de Terra, científicos, membros do Instituto Geográfico Nacional e membros da Federación Española de Asociacións de Amigos do Camiño de Santiago.
O xoves, tras a súa chegada a Santiago, celebrarase un acto no Hostal dos Reis Católicos á hora da comida, contando coa presenza do presidente da Xunta, Alberto Núñez Feijóo, e o alcalde de Santiago, Martiño Noriega.