Tentarán demostrar que a cegueira non supón un impedimento para realizar retos como este, ademais de reclamar máis importancia ao papel dos cans guía
O vindeiro sábado 20 de agosto un grupo de 15 peregrinos invidentes da Comunitat Valenciana partirá ao mesmo tempo desde as localidades de Castelló e Elxe co obxectivo de completar o Camiño de Santiago, chegando a Compostela o xoves día 25. Atoparanse nun punto intermedio en Cuenca para percorrer xuntos un tramo do Camiño de 100 quilómetros ata o seu destino, a catedral de Santiago, acompañados dos seus cans guía e de varios voluntarios que lles axudarán.
Segundo informa a Asociación de Usuarios de Cans Guía, de quen parte a iniciativa, os invidentes tentan demostrar que a súa cegueira non supón obstáculo algún para poder realizar moitas actividades físicas que supoñen un reto como este, ademais de reivindicar os dereitos dos donos destes animais de poder circular con eles, xa que son "os seus ollos e a súa seguridade" . O obxectivo da iniciativa é que a sociedade se conciencie da importancia que teñen os cans guía para os seus donos e de lograr que os invidentes cada vez atopen menos problemas para acceder a lugares públicos con eles.