O obxectivo desta camiñada é reclamar a súa compostela mediante o recoñecemento de Noia como ruta oficial do Camiño de Santiago
Portus Apostoli, o proxecto que naceu para reivindicar a Noia como porto de Compostela e que figure entre os itinerarios do Camiño de Santiago oficiais, recibeu no día de onte un importante impulso por parte dos seus veciños. Unhas 300 persoas chegaron onte á Praza do Obradoiro tras realizar 45 kilómetros de ruta. Un centenar completou o Camiño a pé desde Noia, saíndo de madrugada, mentres outros realizaban o traxecto en autobús e noutros medios de transporte, como os quads.
O obxectivo desta camiñada organizada coa chegada aos pés da Catedral de Santiago, é reclamar a súa compostela mediante o recoñecemento de Noia como ruta oficial do Camiño de Santiago. Unha iniciativa que tamén impulsou o párroco José Ortoño, da igrexa de San Martiño, así como o concello de Noia, quenes están detráis da iniciativa. Cando os peregrinos chegaron á Praza, despregaron unha pancarta do Portus Apostoli para deixar ben clara a súa reclamación.
O párroco José Ortoño non descartou repetir a iniciativa no futuro, debido á gran acollida e participación dos veciños. Santiago Freire, alcalde de Noia, non puido realizar o Camiño a pé polos seus compromisos, pero sí quixo despedir aos veciños en Noia e recibilos en Santiago, eloxiando o seu compromiso coa iniciativa.