A deputada Marta Rivera ve a ruta xacobea como unha das "grandes bazas do turismo" en España
Nun encontro con axentes culturais na cidade de Pontevedra, a presidenta da Comisión de Cultura no Congreso e deputada de Cidadáns, Marta Rivera, referiuse ao Camiño de Santiago e á potenciación de camiños ademais do Camiño Francés. A deputada, que estivo acompañada pola candidata á presidencia da Xunta, Cristina Losada, afirmou que no partido marcáronse como folla de ruta o obxectivo de "promocionar e dar maior visibilidade" ás rutas alternativas ao Francés, que "xa non pode dar moito máis de si" e que se atopa "saturado".
Marta Rivera, sen referirse en concreto a ningunha ruta, asegura que estes camiños alternativos teñen un gran potencial turístico e cultural que non se está aproveitando, ademais de contar cunha gran riqueza arquitectónica que non está a ser aproveitada. A través da Comisión de Cultura no Congreso, da que a deputada é presidenta, C's afirma quere impulsar o proxecto Cidades da Romanidad, elaborando "un mapa de fitos romanos" por toda a península, onde Galicia tería un papel esencial polos seus vestixios.