A portuguesa Dulce Frazâo chegou a Santiago acompañada de familia e amigos e foi rexistrada na Oficina do Peregrino como a número 200.000 deste 2016
Como vimos contando durante todo o verán o Camiño de Santiago está en 2016 superando os seus récord históricos de afluencia de peregrinos, como denota que este pasado mércores chegase á catedral da cidade compostelá a peregrina nº 200.000 do ano, dez días antes que en 2015. A afortunada é Doce Frazâo, unha portuguesa da localidade de Fátima que iniciou a ruta xacobea en Lugo a través do Camiño Primitivo.
É a segunda vez que Doce e a súa familia e amigos chegan ata Santiago, tras completar anteriormente a ruta polo Camiño Portugués. Tras selar o seu compostela nº 200.000, a peregrina e os seus achegados asistiron á misa na Catedral ás 19.30, para despois recibir un obsequio por parte do deán Segundo Pérez.
No que levamos de ano, e tras completar a tempada alta no Camiño de Santiago, o número de peregrinos aumentou un 4% respecto de 2015. Se ti tamén completaches o Camiño este ano, notaches maior afluencia de peregrinos que noutras ocasións?