Un vez conclúan as obras de sinalización obterá o recoñecemento da Real Federación Hípica de España
O Camiño Mozárabe está a piques de converterse no primeiro itinerario ecuestre oficialmente recoñecido pola Real Federación Hípica de España. A ruta será homologada tras o final das obras de sinalización que se están levando a cabo actualmente e que esta semana a directora de Turismo de Galicia, Nava Castro, visitou en San Cristovo de Cea. A Xunta investiu 48.000 euros no acondicionamento da ruta ao seu paso por Galicia e na súa sinalización. A falta da aprobación definitiva da federación, a ruta, que inicialmente parte de Andalucia comezará o seu percorrido na localidade da Mesquita durante 236,6 quilómetros, uníndose á Vía da Prata para concluír en Santiago de Compostela e atravesando ata tres provincias galegas.
Desde Jaen, Málaga, Córdoba ou Almería, cidades desde onde parte o Camiño Mozárabe, os peregrinos poden partir na súa ruta xacobea ata Santiago de Compostela, atravesando Andalucía ata chegar a Mérida, en Estremadura, onde o mozárabe únese á Vía da Prata. O Camiño Mozárabe discorre por terras andaluzas durante 380 quilómetros, unha ruta que desde o século X levou a devoción dos peregrinos do sur ata os restos do Apóstolo Santiago.