O Tren Celta conecta as cidades de Vigo e O Porto, facendo parada tamén en localidades como Valença do Minho ou Viana do Castelo
Desde logo a mañá deste venres non comezou da mellor forma posible e é que como moitos xa saberedes, ás 9.30 un tren descarrilou á beira da estación do Porriño deixando polo menos 4 mortos e ao redor de 50 persoas feridas, e no que viaxaban 69 pasaxeiros (incluídos o propio maquinista e o interventor). Trátase do chamado Tren Celta, un tren internacional que opera a compañía portuguesa Combois de maneira conxunta con Renfe unindo as cidades de Vigo e Porto e coméntase que a maioría dos pasaxeiros son de orixe portuguesa.
O percorrido do Tren Celta pasa por algunhas localidades do chamado Camiño Portugués (que nace en Lisboa e morre en Santiago de Compostela). Por esta razón sempre foi un medio de transporte popular entre peregrinos portugueses e galegos que elixen esta vía de peregrinación para chegar ata Santiago, ben sexa para volver a Portugal ou para iniciar o Camiño en terras portuguesas. As paradas do Tren Celta han sufrido moitas modificacións nos últimos anos; na actualidade, ademais de parar no Porto e Vigo, faio unicamente nas localidades de Nine, Viana do Castelo e Valença do Minho.
Estando a piques de pecharse o servizo en varias ocasións nos últimos anos por parte de Combois polo baixo número de pasaxeiros que utilizan o servizo, o Tren Celta permite cubrir a distancia entre O Porto e Vigo en 2.15 horas por uns 15 euros o billete.