Mochilas para o Camiño de Santiago: Que necesitas?

A elección da mochila é un dos puntos máis importantes á hora de preparar as cousas antes de iniciar o Camiño de Santiago. A mochila será o elemento principal durante o Camiño, o que marcará se o traxecto será ou non confortable.

Á hora de escoller a mochila que máis convén, hai que ter en conta certos aspectos importantes. O primeiro é coñecer a norma do 10% á hora de preparar a mochila. Esta regra di que a mochila non pode pesar máis de 10-12% do noso corpo para evitar calquera tipo de problema físico. Outro punto importante é ter en conta que capacidade necesitamos que teña a mochila segundo o tempo que realizaremos o Camiño de Santiago.

Despois de ter estes aspectos claros, hai que ter tamén en conta que as características dunha mochila poden variar para homes e mulleres. As mochilas para homes contan coas correas ou hombreiras cun deseño máis recto, mentres que as das mulleres son máis oblicuas para evitar molestias no peito e evitar así lesións. Tamén pode variar o ancho do cinto lumbar para, segundo a complexión do corpo, repartir o peso correctamente. A pesar destes aspectos, xa son moitas as marcas que desenvolven mochilas con características adecuadas para o confort das persoas de calquera sexo.

Se fas o Camiño durante unha semana

Os peregrinos que van facer o Camiño de Santiago por primeira vez adoitan elixir facelo nunha semana, xa que é unha maneira perfecta para probar a experiencia. Para realizar o Camiño neste período de tempo, existen moitos bos lugares entre os que elixir o punto de saída. Pódese empezar desde Pedrafita de Cebreiro ou Villafranca del Bierzo se escolle o Camiño Francés, ou mesmo desde Tui, polo Camiño Portugués.

Elixir unha boa mochila tamén é importante se se vai a percorrer o Camiño ata Santiago durante toda unha semana, e máis se se vai a facer por primeira vez. Non fai falta que sexa a máis completa do mercado, pero si que ten que ter unha capacidade mínima de 30 L para levar todo o necesario durante os 7 días nos que se percorrerán as diferentes etapas do Camiño. Isto pode variar se a persoa decide levar lavar a roupa diariamente ou levar mudas e diferentes pezas durante o tempo que percorrerá o Camiño.

Se fas o Camiño durante 15 días

Percorrer durante 15 días calquera dos roteiros que levan á Catedral de Santiago, é perfecto para descubrir as paisaxes e os pratos típicos de diferentes de cada zona. Se vas dedicar esta cantidade de tempo ao Camiño de Santiago, tes moitas e variadas opcións. Podes facelo desde O Porto polo Camiño Portugués, desde a cidade de León polo Camiño Francés ou desde Oviedo en Asturias, polo Camiño Primitivo, entre outros.

Sexa cal fora o punto de partida, se alguén vai percorrer diferentes etapas do Camiño de Santiago durante 15 días, ten que ter unha mochila que cubra ben as súas necesidades. Obviamente, a mochila non pode ser moi grande para poder gozar comodamente do Camiño, pero debe de ter polo menos 50 L de capacidade para levar todo o necesario durante o traxecto.

Se fas o Camiño durante máis un mes

Algo que hai que ter en conta á hora de dedicar un mes ao Camiño de Santiago, é ter claro o que levar na mochila. Tamén se ten que pensar que as cousas que se necesitan son diferentes segundo a época do ano na que se vai a realizar e que hai que mirar as características da mochila para poder camiñar de maneira cómoda e sen que o seu peso poida provocar algún tipo de molestia.

A capacidade recomendada que ten que ter unha mochila dunha persoa que vai percorrer durante tanto tempo o Camiño de Santiago, debería ser de máis de 70 L de capacidade. Isto obviamente pode variar se a persoa segundo o número de mudas que leve unha persoa xa que isto reduce a capacidade que se necesita.

Tamén hai que pensar, que ao ter que levar a mochila tanto tempo ás costas, é importante buscar certas características que nos fagan o traxecto máis cómodo e seguro. É importante escoller unha mochila que estea acolchada, que se poida adaptar a todo tipo de complexións, cun tecido transpirable e que conte cunha correa axustable ao peito e un cinto lumbar para repartir o peso da mochila.