O Camiño de Santiago impulsa un 12% as pernoitas en Castela e León

238.607 peregrinos fixeron noite nos albergues castellanoleoneses nos seis primeiros meses do presente ano

Fernando Borjas
31/08/2016 11:13 '
Peregrinos a su paso por Burgos

Peregrinos a su paso por Burgos

Onte presentáronse no Concello de Frómista (Palencia) os datos turísticos do Camiño Francés en Castela e León na primeira metade deste 2016, uns datos que traen boas noticias para a comunidade autónoma. Durante a primeira metade deste ano un 11,87% máis de peregrinos pernoitaron nos albergues de Burgos, Palencia e León respecto ao mesmo período de 2015, o que segundo o director xeral de Turismo do Goberno de Castela e León, Javier Ramírez, supón unhas cifras "moi satisfactorias" porque reflicten que "a evolución turística do Camiño de Santiago está a ser moi positiva".

O director de Turismo tamén incidiu sobre a importancia do Camiño de Santiago na internacionalización turística da comunidade autónoma, dado que a gran maioría das pernoitas corresponde a peregrinos estranxeiros (un 78,25% fronte a un 21,75% de españois), o que segundo Javier Ramírez é "o seu mellor cartón de presentación nos mercados internacionais".

Das tres provincias polas que pasa o Camiño Francés, é Palencia a que máis satisfeita pode estar, xa que viu como este ano ascenderon as pernoitas ata un 25,48% respecto ao mesmo período do ano pasado, alcanzando as 49.086. O crecemento na provincia de Burgos tamén é notable, cun 15,67% de incremento en relación a 2015 (un total de 66.444 pernoitas) e por detrás queda León, que pola súa banda crece un 5,45% (123.007 pernoitas).

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

La Voz de Galicia La Voz de Asturias

Puntos de interés

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom

Utilizamos cookies propias e de terceiros para mellorar os nosos servizos, manter a sesión e personalizar a experiencia do usuario, así como para obter estatísticas anónimas de uso da web. Se continua navegando consideramos que acepta o seu uso. Pode obter máis información aquí