Abadín

O marcado carácter agrícola e gandeiro da zona déixase sentir na paisaxe, envolvendo o trazado xacobeo nun manto verde, labrado, encaixado entre as serras de Cadramón e Xistral.

Das súas 194 entidades de poboación, a máis nutrida é a de Gontán, onde se sitúa o albergue de peregrinos. Dista apenas un quilómetro do centro abadinense e entre ambos os dous núcleos presentan unha considerable oferta de servizos, especialmente en locais hostaleiros.

Existe a crenza popular de que o topónimo de Abadín fai referencia a un fundador do Reino de Taifas sevillano, Abul-Casin ou Abade I, pertencente á dinastía dos Abaditas.

Non obstante, a versión con máis peso, segundo detalla o Concello, está fundamentada nun documento dos monxes de Meira, datado do 3 de decembro de 1254, dándolle polo abade Hemerico carta da poboación a Granxa de Vilarente a favor de 54 veciños.