Ayegui

Ayegui ©Panoramio Claudio Cabello

Neste concello sitúase o mosteiro de Irache, un dos conxuntos monumentais máis destacados de Navarra, resultado dun popurrí de medievalismo, renacentismo e barroco. Isto non é máis que un sinal de que foi medrando co paso dos anos, en parte, pola súa proximidade ao Camiño de Santiago. Tense constancia da súa existencia desde o ano 958. Na primeira metade do século XI construíuse un hospital de peregrinos, probablemente o máis antigo de Navarra.

Posteriormente foi sede universitaria e hospital de guerra. Desde 1887 é monumento nacional. Pódese visitar a igrexa románica (século XII) e o claustro plateresco. É máis que probable que acabe convertido nun parador de turismo. Na súa contorna, e en pleno trazado xacobeo, sitúase tamén unha das fontes máis lúdicas do Camiño Francés. Trátase da coñecida como fonte do Viño das Bodegas de Irache. Baixo unha talla de Santiago nacen dúas billas. Dunha delas mana auga e da outra, viño. Non desaproveite a ocasión de saudar aos seus seres queridos.