Boimorto

Boimorto ©Street View

Unha das pezas das que presume o municipio non foi descuberta ata comezos dos anos oitenta. Trátase dun miliario romano -columna de pedra que indicaba a distancia de mil pasos- que un veciño topou por azar nun terreo de Vilanova.

O cilindro de granito sinalizaba a presenza dunha vía romana, da que tamén se valían os peregrinos do Camiño do Norte. Aínda conserva a inscrición que nomea ao emperador Maximino por mandar o seu arranxo ou construción.

O miliario acredita pois o paso da XIX vía romana pola parroquia de Santiago de Boimorto. A súa situación actual é o xardín da casa consistorial.

Feira

En Boimorto celébrase feira o primeiro sábado de mes no Campo do Rosario.