Camiño Sen Límites: 800 quilómetros para loitar pola accesibilidade para persoas con mobilidade reducida

Oliver y Juan Luis comienzan este martes su viaje | Olivertrip.com

Este martes 13 de setembro dous irmáns procedentes de Granada e cunha historia moi especial detrás dispóñense a comezar unha longa viaxe para completar a distancia que separa Roncesvalles -onde xa se atopan- de Santiago de Compostela. Oliver e Juan Luís, que xa completaron os últimos 60 quilómetros do Camiño de Santiago xuntos hai dous anos, póñense agora o reto de cubrir ata 800 quilómetros en 37 etapas, comprobar o estado de accesibilidade do Camiño Francés e gravalo todo para compartir os seus vídeos día a día en redes sociais.

A motivación? concienciar sobre realidade á que se enfrontan día a día todas as persoas con discapacidade e mobilidade reducida, como Juan Luís, que ten un 96% de discapacidade, polo que percorrerá o Camiño Francés en cadeira de rodas coa axuda do seu irmán Oliver. Os dous irmáns contan co apoio da Asociación Accesibilidade para Todos "La Ciudad Accesible", da que Juan Luís é activista en prol dos dereitos das persoas con discapacidade.

O proxecto de Oliver e Juan Luís, que busca a longo prazo "adaptar e poñer a disposición de todos, rutas de sendersimo que, por fin, poidan ser transitadas por persoas con mobilidade reducida" collerá por fin forma este martes, cando partan de Roncesvalles, grazas nunha pequena porcentaxe ás achegas das persoas que colaboren desinteresadamente, mentres que o groso das doazóns irá destinado á asociación "A Cidade Accesible". Se queres apoiar a Oliver e Juan Luís na súa viaxe, e de paso levarche unha recompensa, podes facelo aquí.