Santuario de Covadonga

Santuario de Covadonga - Wikimedia Commons/Raquel.Pasandin

Santuario de Covadonga

O Parque Nacional dos Picos de Europa é un das grandes paraxes naturais que podemos atopar no Principado de Asturias, o cal é un desvío moi recomendable para todos os peregrinos que fagan o Camiño do Norte. Neste lugar podemos atopar tesouros como os Lagos de Covadonga ou o Santuario de Covadonga, tamén chamado a Santa Cova.

A primeira capela en honra á Virxe María foi mandada construír polo rei Alfonso I de Asturias, co obxectivo de conmemorar a vitoria de Don Pelayo na Batalla de Covadonga. Este templo foi entregado para a súa xestión á Orde Benedictina. A construción actual é unha recreación historicista de estilo neorrománico, que data de mediados do século  XX.

Esta capela está construída no interior dunha cova, a cal ten unha fervenza aos seus pés que forma unha poza. Xunto a esta podemos atopar a fonte dos Sete Caños, a cal se di que se unha persoa bebe das súas augas “sen respirar” casará un ano despois. Para acceder ao Santuario débese subir a Escaleira da Promesa, a cal conta con 103 chanzos que moitos peregrinos soben de xeonllos para mostrar a súa devoción á virxe. 

No seu interior podemos atopar imaxes que recrean a Batalla de Covadonga e os sepulcros de Don Pelayo e o seu xenro Alfonso I, aínda que moitos historiadores dubidan que isto sexa así realmente.