Culleredo

Culleredo ©Panoramio /Joaquín Vilas

Localidade de tránsito para o peregrino, polos seus dominios percorrerá zonas urbanas, as marxes de ría do Burgo e transitadas estradas, ata acceder a camiños máis solitarios.

Achará o romeiro nos núcleos de Fonteculler e O Burgo todo tipo de servizos e aproximarase na súa marcha ao aeroporto de Alvedro, emplazado no lugar que lle dá nome. Son once parroquias as que integran o concello, cuxa actividade administrativa e dependencias municipais se asentan no triángulo O Burgo, Rutis e Culleredo.

O territorio que actualmente ocupa o Concello de Culleredo foi habitado desde a prehistoria e así o testemuñan as probas deixadas polos seus devanceiros moradores.

Poñen data do neolítico as numerosas mámoas na zona de Rutis e Orro, pegada de 4.000 a 6.000 anos.Municipio rico nunha cultura castreña que se desvaneceu pola posterior presenza romana, o primeiro texto conservado que fai referencia a Culleredo data do ano 830, no que se documentan igrexas e lugares da zona.