Hontanas

Hontanas ©Panoramio Carlos Sieiro del Nido

Visitas recomendadas Os peregrinos que descansen en Hontanas poderán visitar o patrimonio do lugar no que destaca a igrexa parroquial da Inmaculada Concepción. Construída orixinalmente en estilo gótico (século XIV), foi reformada, posteriormente, ao estilo neoclásico.

Acubilla no seu interior un belo retablo barroco. Xunto ao templo atópanse anexos os restos do antigo palacio do bispo, antigo señor da vila. Os vestixios céntranse nun arco gótico. Nun ámbito xacobeo destaca a conservación no enclave do antigo hospital de peregrinos de San Juan, na actualidade rehabilitado para a mesma función, como albergue de peregrinos.

No seu interior os romeus poderán contemplar un arco apuntado que formaba parte da portada do antigo hospital. Como unha opción lúdica moi aconsellable para os meses de verán, ante o implacable sol de Castela, está a de acudir ás piscinas municipais, situadas ao final do tramo urbano do Camiño. Hai prezos especiais para peregrinos. O recinto deportivo dispón dun bar de acceso libre.