Laza

Laza ©Panoramio / Eladio CortizoAs festas

A celebración máis soada de Laza é o entroido. Non en balde forma parte do coñecido como Triángulo Máxico do Entroido -xunto con Xinzo e Verín- localidades nas que se vive de forma especial e multitudinaria o dominio de Don Carnal. Durante os festexos, os tradicionais Peliqueiros toman as rúas, impondo a súa lei, armados con zamarras e chocas.

Só unha regra: Non se poden tocar e moito menos ensuciar a súa vestimenta. Os insultos e apupos quedan a criterio do público. O Entroido de Laza trascurre entre a praza da Picota e os bares da localidade, rebosantes durante as celebracións. O día forte do entroido en Laza é o Luns de Entroido, día da Borralleira. Pola mañá celébrase a Farrapada, unha batalla de trapos untados con barro, e a Xitanada (procesión de parellas montadas en burros). Xa pola tarde, fai aparición a Morena: un home cuberto cunha cabeza de vaca que levanta as saias das mulleres.

Acompáñao unha comitiva que lanza sobre a multitude miles de formigas vivas, enfurecidas cunha mestura de vinagre e fariña. O Concello de Laza está formado por dez parroquias. Cada unha ten as súas propias festas patronais. As da capital corresponden ao Santo Cristo (3 de maio) e a San Xoán Bautista (24 de xuño).