Miraz

Miraz ©Panoramio / t3rzer

No lugar érguese a Torre de Miraz, unha antiga fortaleza do século XV, vinculada á liñaxe dos Saavedra. A visita antóllase complicada, pois se trata dunha edificación privada, habitada polos descendentes da nobre casa. Segundo recolle o departamento de Turismo do Concello, o conxunto sitúase nun dos soares da ilustre liñaxe galega dos Saavedra; que se remonta ás comezos da Idade Media. A torre de Miraz, de 12 metros de alto, é unha fortaleza antiga, aínda que vítima de continuas reformas que, se ben adulteraron o estilo, respectaron a súa boa conservación ata o presente.

A torre garda obxectos familiares, arquivo e biblioteca. Pegado á atalaia preséntase o pazo de construción austera e sólida do século XVIII. Posúe unha planta baixa e unha principal, á que se pasa dende unha prolongada solaina que comunica cun amplo patín de suba, á zona baixa, dedicada a servizo caseiro.