Nájera

Os peregrinos non acharán problema en avituallarse na localidade. Diversos establecementos ofrecen, xunto aos tradicionais petiscos e cazoliñas, que se degustarán cun viño, bos menús do peregrino por un prezo que rolda os 10 euros. Nalgúns casos, como no do restaurante Los Parrales, a continua chegada de romeus fará que o horario se manteña de forma ininterrompida ao longo do día.

Os camiñantes non deberán deixar de probar os pementos de Nájera, unha variedade oriúnda da Rioxa que se consome tanto en fresco como en conserva. Resultan finos e agradables ao padal.   Para almorzar, unha boa opción é achegarse a algún dos bares abertos á primeira hora na zona monumental. O bar Naxara (rúa Mayor, 58), cunha ampla oferta, ou La Pasarela (rúa Mayor, 12, aberto desde as 6.00 horas), poden ser un aconsellable destino. Enfronte do mosteiro de Santa María la Real áchase o bar Cuatro Cantones.