Non haberá subida nas tarifas dos albergues do Camiño

Finalmente todos os interesados en realizar o Camiño de Santiago, e que non teñan un nivel adquisitivo demasiado elevado, non terán que preocuparse pola posible subida nas tarifas dos albergues públicos do Camiño de Santiago. A noite nun destes establecementos seguirá custando seis euros. A decisión é moi favorable para todos os peregrinos e supón un esforzo para a Sociedade Anónima de Xestión do Plan Xacobeo, que non recada o suficiente como para cubrir os custos de mantemento da rede.

"A nosa intención é non modificalo, sendo conscientes de que non se cobren exactamente os gastos", confirmó recentemente o vicepresidente da Xunta, Alfonso Rueda. "É fundamental para que o Camiño siga batendo cada día récords de peregrinos". A rede de albergues públicos do Camiño de Santiago está integrada por 69 edificios con capacidade para 3.139 persoas ao mesmo tempo, facturando o último ano ata 334.975 estancias.

O Goberno non quere subir as tarifas, xa que isto poñería en risco o obxectivo de que as rutas xacobeas gañasen anualmente un 10% de usuarios.