O Cádavo

O Cádavo ©Panoramio / Embarcadeiro

O Cádavo é un núcleo de poboación bastante recente, que dispón de todos os servizos básicos, pero que non ten moita historia e tampouco dispón dunha grande oferta cultural e/ou recreativa para o peregrino.

A cousa cambia, e moito, no seu territorio municipal, que esconde dous tesouros da natureza. O primeiro é a Fraga da Marronda, un precioso bosque autóctono galego moi ben conservado, con máis de 170 especies de árbores e arbustos, espectaculares paisaxes, abundante fauna. Alí pódese practicar ráfting, escalada, sendeirismo, cicloturismo...

Talvez o peregrino non teña forzas ou tempo para facer un aparte na ruta, pero este espazo merece unha visita. E moi preto está o lugar onde nace o río Eo, fronteira natural entre Galicia e Asturias; forxador, máis ao norte, da fermosa ría de Ribadeo.