O presidente do clúster Turismo de Galicia, encantado co Camiño: "quedan namorados do verde"

Francisco González - SANTI M. AMIL

Francisco González, presidente do clúster Turismo de Galicia, destacou recentemente a importancia do Camiño de Santiago, en relación aos grandes números que o turismo está a rexistrar en Galicia durante este 2016. O que o turista busca en Galicia, principalmente estranxeiro, é "o bo servizo, a boa gastronomía, o viño, gozar do mar en lugares en que este choca cos piñeiros", algo que Galicia ten a espuertas.

O Camiño de Santiago ten gran importancia no aumento de turistas na comunidade galega, pois é un destino turístico que deixa pegada a todos aqueles que o realizan: "esa xente chega a Galicia e di: 'aquí teño que volver'. Non saben cando, pero quedan namorados do verde, o mar. E regresan", asegura. Francisco González avoga por manter a calidade e a innovación no Camiño, pero sen perder "todo iso que nos fai diferentes".

Iso si, debemos coidar o que, cos anos, conseguiuse en Galicia con respecto a ser un referente turístico en España: "non hai que buscar números, hai que ver a rendibilidade, facer unha oferta sustentable. Chega un momento no que se chega ao tope do crecemento, que aquí aínda non alcanzamos".