Reliegos

Bar La Torre ©Panoramio CaminoUli2008

Os peregrinos teñen no núcleo tres bares para tomar algo ou comer, un dos cales se confirma como un dos máis pintorescos da ruta xacobea. A súa fachada, totalmente decorada de azul e cuns ollos na fachada, non deixará indiferente a ningún romeu. Hai moitos que chegan, mesmo, recomendados ou que viron a película de The Way, de Martin Sheen, e decidiron que tamén querían facer un alto neste bar (La Torre).

O seu camareiro, Sinín, tamén coñecido como Elvis, por render permanente homenaxe ao rei do rock, móstrase esgotado pero feliz pola permanente atención aos peregrinos. No seu interior pódense ler os múltiples e variados lemas vertidos e escritos polos camiñantes nos seus muros desde o 2004 e que nin o paso do tempo, nin o camareiro, lograron nin quixeron borrar de alí. A todos os camiñantes recíbeos cun sorriso, e cunha cervexa na man, para acto seguido ofrecerlles un económico menú, algunha ración ou un bocadillo. Trátase de relaxarse e pasalo ben.